ඉන් පසු රජකමට පත්වන්නේ සිරිසඟබෝධි කුමාරයාය. මේ රජු ඉතා ධාර්මිකව රට පාලනය කළ බව සදහන්වේ. රජුගේ ධාර්මික පාලනය තුළ නීති රීති ලිහිල් වීම හේතුවෙන් රටේ තැනින් තැන සොර බිය ඇති විය.රජු මෙය මැඩලීමට සොරුන් අල්ලා ප‍්‍රසිද්ධියේ නඩු අසා බන්ධනාගාර ගත කළේය. නමුත් රහසිගත ඔවුන්ට අවවාද දී ධාර්මික ජීවිත ගත කරන ලෙසට පොරොන්දු කරවාගෙන ඈත පෙදෙස් වලට යැවීය. ඉන් පසු සොහොනෙන් මළ සිරුරු ගෙන්වා පුඵස්සා සිරගතව සිටි සොරුන්ට මරණ දඩුවම් හිමි වූ බව රට වැසියනට ඇගවීය. මෙමගින් සිරිසඟබෝ රජුට සොර බිය මැඩලීමට හැකි විය.
